Најјадни раскинувања

Најјадни раскинувања

Разликата меѓу мажите и жените веројатно е најочигледна при прекинувањето на љубовната врска. Оставениот маж после раскинувањето може да биде лут, депресивен и повлечен, може да отиде во стриптиз клуб и да има секс за една вечер.

Тоа што ниту еден маж нема да го направи е да ги собере другарите и да дебатираат за неговата сега веќе поранешна девојка и да испитуваат зошто таа му удрила клоца.

Но, мажите можеби не поставуваат толку многу прашања од една и единствена причина – нивните партнерки се доволно отворени и директни при раскинувањето. Навистина, кога последен пат сте чуле некоја девојка да се однесува кретенски за дечкото да и раскине?

Според колумнистката Џуди Мегваер, иако се именуваат како посилен пол, мажите се кукавици кога станува збор за раскинување на љубовната врска.

Мегваер, слушајќи ги исповедите на многу жени кои биле оставени со скршено срце, направи листа на најјадни и најдобри изговори за раскинување.

- Ти си супер, но сега не сум спремен за врска. Ова не би било страшно доколку два месеца по раскинувањето дечкото не се вселил во станот на новата девојка.

- Не можеме да почнеме да живееме заедно, затоа што мајка ми нема да го одобри тоа. Иако овој изговор е навистина јаден, оваа дама го избегнала смртоносниот куршум. Кој знае што се мама нема да одобри?

- Да, ќе продолжам да се однесувам вака се додека не ми раскинеш. Овој дечко бил доволно храбар (или доволно глуп) да го детектира своето однесување.

- Никогаш не сум бил магнет за жени, но тие сега постојано ми се „нафрлуваат“. Подобро е да ја искористам својата среќа која ненадејно се појави. Повторно, храбар или глуп, линијата е тенка.

- Прерано ти кажав дека те сакам, одиме пребрзо.

- Се женам/Се гледа со друга. Не тагувајте по овие мажи. Иако сега така не ви изгледа, но вие сте среќни што тие побегнале од вас.

- Ми треба некоја поатрактивна. Ако не ви била привлечна, зошто и правите услуга и излегувате со неа.